• No Comments
Hai poucos días coñeciamos por medio de Cenit-del-Petroleo.info o que a prensa económica ortodoxa trasmitía ao respecto das últimas previsións feitas públicas pola AIE. Xoán Doldán pescudou un pouco nas fontes orixinais desa nova e esta é a súa análise:
A demanda é a cantidade de bens e servizos que poden ser adquiridos nun momento determinado de acordo con un determinado tipo de prezos. A demanda depende entre outras cousas dos ingresos dos consumidores, do seu número, da cantidade demandada e dos prezos.
Cando a AIE afirma a través do seu economista xefe (Fatih Birol) que o requirimento de cru dos países industrializados non volverá ao nivel rexistrado en 2006-2007, deberíamos indicar, en principio, varias cousas, algunha delas obvias:
- fala de requirimento de cru, polo tanto suponse que fala da cantidade (non do seu valor monetario)
- fala da demanda dos países industrializados, non da demanda mundial. No entanto a demanda mundial de petróleo cru dos países industrializados (OCDE) supón máis do 52% do total mundial segundo a mesma AIE
- establece dous escenarios diferentes segundo os países. Os industrializados irían descendendo a súa demanda (aínda que con altibaixos) mentres que os non industrializados irían aumentando o seu consumo
- por declaracións recentes (decembro) o resultado final é un aumento da demanda mundial
Pero se consultamos directamente en Reuters, que é a axencia da que sae a información, Fatih Birol di tamén que unha elevación dos prezos por riba dos actuais poría en perigo a recuperación económica.
Admite ademais que os investimentos en novos xacementos baixaron un 19% en 2009 respecto a 2008, e iso que os prezos están a aumentar. E se a demanda de China e India segue a medrar o risco de subida dos prezos do petróleo pode ser factíbel.
En canto á OCDE, o que se ven dicir é que en 2010 o consumo será semellante ao de 2009 (estancamento).
Na información de Reuters tamén se recolle esta información de interese:
“Muhammed al-Sabban, head of the Saudi delegation to UN talks on climate change, said the possibility that oil demand might peak this decade was a “serious problem” for Saudi Arabia.”
Aínda que se relaciona co cambio climático, o feito de que o xefe da delegación de Arabia Saudita na ONU manifeste preocupación porque a demanda alcance un pico nesta década non deixa de ser significativo.
Conclusións da lectura e hipóteses que se suxiren:
- A crise actual supuxo o reaxuste de moitas actividades manufactureiras en occidente, contracción da demanda (en xeral) e dos fluxos de mercadorías entre os países industrializados e o resto do mundo.
- Neste fenómeno tiveron que ver moito a elevación dos prezos do petróleo e, malia a forte caída posterior, a lenta recuperación a prezos altos que se foi dando nos últimos meses. O encarecemento dos custes enerxéticos afectou moi directamente na estrutura de custos das industrias occidentais e nos custes do transporte, ademais da perda adquisitiva e de confianza nos consumidores.
- O desprazamento industrial a outros países (os chamados metaforicamente emerxentes, como China ou India) nos últimos anos, con custes de produción máis baixos, permite manter, malia a elevación dos prezos da enerxía o seu papel como fornecedor de bens de consumo aos países industrializados, ao que se suma a elevación da demanda interna, ligada a un aumento da renda dispoñíbel neses países.
- Froito desta conxuntura, poderíamos estar ante un futuro inmediato onde mentres na OCDE se estanca a demanda interna (tamén da enerxía), no resto do mundo (en particular en países como China, India, Brasil ou México) a demanda siga a medrar (tamén o consumo enerxético). Como consecuencia a demanda mundial pode seguir medrando.
- Este dobre comportamento da demanda non é favorábel a incrementar os investimentos na industria do petróleo, agás para o consumo local onde este medre.
- Con baixos investimentos na industria do petróleo e con elevación da demanda mundial o prezo tenderá a subir, máis a menor presión da demanda da OCDE pode aliviar a tensión sobre os prezos e que a suba sexa máis lenta. En calquera caso, esas subidas tirarán aínda máis para baixo a demanda da OCDE e pode que no resto do mundo, desincentivando aínda máis os investimentos.
- A falta de investimentos acompasará a caída da demanda con unha caída da oferta (ou ao revés), e dependendo como sexa o desaxuste entre ambas a incerteza sobre os prezos será maior.
- E esta debe ser a preocupación que manifestan os árabes.
- E en isto moi pouco teñen que ver os coches eléctricos, aspecto que se destaca en Expansión tomando palabras de Fatih Birol. Porén, aínda non coñecemos as contas (nin por aproximación) de en canto sairá cambiar o parque actual e automóbiles por outro eléctrico, canto custará un sistema de distribución de enerxía eléctrica (as electrolineiras) por todo o territorio, canto custará fornecer de (nova) enerxía eléctrica para este novo sector de consumo eléctrico e baixo que fórmula de xeración, e cantos anos son necesarios para facer todo este cambio (un ano, dous, cinco, dez, vinte…,) e mentres con que se moverán os coches. Tendo en conta que só en España había matriculados –segundo o INE- en 2007 case 22 millóns de turismos particulares e supoñendo que se cambiasen 1,6 millóns de automóbiles ao ano –os matriculados en 2007- tardaríamos 13,5 anos, e isto facendo os cálculos sobre un ano que non había crise. Gasolineiras en España hai algo máis de 8000, a que ritmo habería que adaptalas o construír outras novas para que se fosen localizando segundo se cambia o parque móbil?, ademais, non debería ofrecerse primeiro este servizo para incentivar o cambio de automóbiles?
• 2 Comments
Esta semana comezamos outra interesante conversa na lista de correo interna de afiliados a Véspera de Nada que queremos agora trasladar ao blog polo seu interese e para abrirmos o debate ao conxunto dos internautas, como xa fixemos aí atrás co debate sobre Ecoaldeas vs. Comunidades distribuídas.
Tomo comezou a raíz dun comentario meu (Casdeiro) tras [...]
• 3 Comments
(Esta entrada podería tamén terse titulado A enganosa curva de Hubbert ou É a enerxía neta, ¡estúpidos! parafraseando a George Mobus.)
Levo tempo preocupado -como outra xente- polo efecto da caída da taxa de rendemento enerxético (TRE ou EROI en inglés) na era do petróleo escaso que comeza tras o Teito do petróleo. Desque escoitei ao [...]
• 1 Comment
Na lista de correo da nosa asociación levamos uns días mantendo con Manuel Amigo un interesante debate acerca da conveniencia de poñermos en marcha experiencias comunitarias de tipo ecoaldea (eu prefiro o termo comunidades locais sustentables) para comezar a impulsar a necesaria viraxe, transición, tránsito ou como o que queiramos chamar, cara unha Galiza sustentable, [...]
• 1 Comment
Trasmito a análise que fai Xoán Doldán da recente avaliación do carreira ascendente do prezo petróleo que publicou recentemente o xornal Cinco Días baixo o título Más cautela con la subida del petróleo:
Máis unha vez os xornais económicos sorpréndennos con unha análise seria, rigorosa e en profundidade, non podía ser menos.
“Es un rumor creciente cargado [...]
• No Comments
Despois da anterior cita, á que non puido asistir a conferenciante, este venres 11 de Decembro teremos de novo a ocasión para ver e escoitar a Doly García falarnos do movemento das Transition Towns, no que ela é participante activa dentro de Transition Brighton & Hoves. A cita é na Coruña, dentro do ciclo de [...]
• 1 Comment
Esta fin de semana será intensa en canto a actividades que contan coa nosa participación xa que Amigos da Terra nos convidou a participar no seminario Cambio Climático: Accións prácticas que se celebra no centro ambiental As Corcerizas, na serra de San Mamede, para dar a visión práctica do Teito do Petróleo e mais do [...]
• No Comments
Este sábado 28 de novembro, dentro das xornadas Terra e Cultura Sustentable que se están a celebrar en Teo, na oitava sesión titulada Enerxía renovable e mobilidade sustentable, haberá unha mesa redonda coa participación de:
Xan Duro, responsábel da Área de Enerxía e Transporte de Verdegaia.
Xoán Doldán, ex-director do INEGA, profesor titular de Economía Aplicada na [...]
• 5 Comments
Hoxe chegou a nós unha entrevista publicada na sección La Contra, do xornal La Vanguardia (non poñemos a ligazón porque non é permanente) que está tendo unha grande repercusión na bloguesfera. O entrevistado é Jeff Rubin, un dos economistas que máis claramente están a falar do Teito do petróleo. Reproducimos aquí, polo seu interese, a [...]
• No Comments
Reproduzo aquí un esquemático texto que preparara para os asistentes ao I Encontro de Dinamizadores do Mundo Rural que se celebrou onte no Museo Etnográfico de A Capela, organizado pola Universidade Rural Galega.
Que é o Teito do Petróleo (Peak-oil)?
É o momento a partir do cal cada ano se producirá menos petróleo. É un inevitable fenómeno [...]
• 1 Comment
Neste caso o que responde ao comentado artigo é Colin Campbell, o xeólogo fundador da ASPO. Nunha carta sen desperdicio que dirixe ao director do xornal británico, fai un repaso do coñecemento que foi tendo desde os anos 60 das falsidades agachadas tanto polas empresas privadas, polos gobernos da OPEP e mais polo can gardián [...]
• 2 Comments
Con esta pregunta titula o último número da revista Permaculture Magazine un artigo que presenta os resultados da primeira enquisa ás Localidades en Transición británicas, realizada por Gill Seyfang, ecólogo social da universidade de East Anglia. Trasmitimos aquí, de maneira esquemática, algunhas das súas conclusións, baseadas nas respostas de 74 iniciativas de Transición e matizadas [...]
• 3 Comments
Moito rebumbio está a armar unha filtración da AIE que publicou esta semana o xornal británico The Guardian, mesmo por fóra do normalmente minoritario mundiño dos advertidos sobre o Teito do petróleo, xa que chegaron ecos a medios mainstream como a cadea de radio SER ou o xornal La Vanguardia. Pero que foi o que [...]
• 11 Comments
Na maxistral palestra que deu onte en Compostela Carlos Taibo, convidado por Verdegaia, expuxo coa súa claridade habitual repleta de didácticos símiles, a situación inédita na Historia á que se veu abocada a Humanidade por culpa do Capitalismo (como ben explicou, e non por culpa dun capitalismo desregulado ou neoliberal). Sustentou nesa crítica a [...]
• 2 Comments
Segundo nos informa Verdegaia Carlos Taibo, profesor da Universidade Autónoma de Madrid e autor dunha vintena de libros sobre o capitalismo, a mundialización, a xeopolítica, os movementos e a economía, falará sobre “Decrecemento: consumir menos para vivir mellor” o vindeiro xoves, 5 de novembro ás 20:00 no hotel Virxe da Cerca, nun acto organizado por [...]
• 2 Comments
Enric Durán, cabeza visible do Colectivo Crisi, e figura senlleira do anticapitalismo de base na actualidade, deu unha palestra onte no local da CNT en Compostela dentro da súa actual xira polas cidades galegas. Diante dunha audiencia maioritariamente nova que enchía o local a reverter, fixo unha clara exposición das causas da Crise que vive [...]
• No Comments
Hoxe seguimos co tema da sustentabilidade das nosas fragas, tras o relato lírico de Xosé Manuel Lobato, para vos anunciar que dentro das xornadas Terra e Cultura Sustentable das que xa vos falaramos neste mesmo blog, hase tratar este sábado, último día do ano e comezo do inverno para os celtas, a Silvicultura Sustentable. Velaquí [...]
• 1 Comment
Hoxe quero reproducir aquí un texto de Xosé Manuel Lobato, unha denuncia en prosa lírica da evolución do noso rural, en concreto dos nosos montes, cara á insustentabilidade. Fálanos Lobato da grande estafa que nos levou a perder, a malvender, unha resilencia de séculos. Estaremos aínda a tempo de a recupermos?
Era de proveito
Home sabio, prudente, [...]
• 2 Comments
Las expectativas de una recuperación económica llevaron ayer a la OPEP a revisar nuevamente al alza sus previsiones de demanda mundial de crudo para este año y el próximo. La demanda petrolera caerá este año 1,4 millones de barriles diario, 200.000 barriles diarios menos de lo estimado anteriormente, y para 2010 prevé un crecimiento de [...]
• 1 Comment
Copio información achegada pola organización. Parece ser a primeira acción visible do concello no apoio a unha transición en Teo.
As xornadas “Terra e Cultura Sustentable” , inaugúranse o sábado 10 de outubro da mán do alcalde de Teo, Martiño Noriega; e contarán cunha charla temática sobre Sustentabilidade, obradoiros, artesanía, música, actividades para o público infantil, [...]
• 3 Comments
La Agencia Internacional de la Energía, que asesora en temas de energía a 28 economías industrializadas (OCDE), estimó este mes que el consumo de petróleo mundial en 2009 se situaría en una media de 84,4 millones de barriles diarios (bpd), o un 2,2 por ciento por debajo del año pasado, debido a la crisis económica.
El [...]
• 4 Comments
O seguinte artigo foi publicado no periódico Novas da Galiza publicado en Setembro de 2009. Aquí incluímos a versión na grafía orixinal e sen correccións lingüísticas:
O obxectivo perseguido por todas as instancias do poder político e económico a nível mundial para saírmos da actual Recesión mundial non é outro que a volta á senda do [...]
• No Comments
Queremos recuperar as claves que nos daba Xoán Doldán na presentación que fixo en Xuño en Santa Comba:
Galiza fronte ao cénit. Que facer?
Buscar o autoabastecemento enerxético
é dicir, cubrir a demanda enerxética interna con recursos propios (renovábeis)
e os demais deberán facer o mesmo
Debemos deixar de pensar como exportadores
Reducir o consumo enerxético
Procurar procesos produtivos máis eficientes enerxéticamente
Procurar [...]
• 2 Comments
Como vén de informar Reuters, o banco australiano de investimentos Macquarie ven de estimar que o teito do subministro mundial de petróleo será acadado durante este ano 2009, nuns 89,6 millóns de barriles, tras a diminución de investimentos no sector producida pola Recesión mundial. Explican que actualmente os novos recursos postos en produción quedan anulados [...]
• 2 Comments
Hai un par de semanas dabamos a boa nova da primeira resolución municipal que recoñece oficialmente en Galiza a existencia do problema do Teito do Petróleo e abre o camiño para afrontalo desde abaixo, con medidas de ámbito local. Hoxe publicamos unha breve entrevista que vimos de realizar con Martiño Noriega, o xoven alcalde do [...]
• No Comments
Copiamos a nota de prensa que vimos de recibir dos compañeiros de Verdegaia. Sen dúbida asistimos ao delirio dunha política criminalmente insensata. No contexto da fin da era do petróleo barato (non son palabras nosas senón da Axencia Internacional da Enerxía… soaralles dalgo ese nome a estes gobernantes nosos?) seguir apostando por máis estradas e [...]
• 11 Comments
Onte, mércores 26 de Agosto de 2009, foi unha data histórica para Galiza: o pleno municipal de Teo aprobou unha resolución que recoñece o problema do Teito do Petróleo, a súa inminencia e gravidade, e que aproba a posta en marcha de medidas para estudar e aminorar o seu impacto sobre a poboación teense. Dicimos [...]
• No Comments
Polo seu interese e claridade expositiva reproducimos un recente artigo de Fernando Ballenilla publicado no web da red IRES. O autor é Profesor de pedagoxía das ciencias experimentais na Universidade de Alacant, e membro fundador de AEREN e ten escrito diversos artigos sobre enerxía, crecemento e outras cuestións relacionadas co teito do petróleo. Nun post [...]
• 1 Comment
Nestes pasados días a AIE lanzou nos medios a súa enésima advertencia sobre a situación do petróleo a nivel mundial e as súas graves implicacións para esa recuperación económica que todos parecen querer albiscar nun futuro máis lonxano ou achegado. Non é a primeira vez que advirten sobre os problemas de subministro enerxético que vai [...]
• No Comments
Richard Heinberg, un dos máis sobranceiros divulgadores do problema do Teito do Petróleo, e membro do PostCarbon Institute, propuxo recentemente a conmemoración do Teito do Petróleo nesta data do 11 de xullo por se ter acadado, hai hoxe exactamente un ano, o prezo máximo do barril de petróleo, sinal probable de que se teña acadado [...]
• 2 Comments
Cada vez existe un maior consenso a nivel mundial en recoñecer que o petróleo, base das sociedades industrializadas, chegou xa ao seu teito máximo de produción. A partir deste “cénit” só é posible unha costa abaixo cara o decrecemento sustentable. Algunhas sociedades xa comezaron a se prepararen para facela menos traumática.
(Un artigo de Manuel Casal [...]
• 2 Comments
…E non nos referimos ao coñecido Informe Hirsch (Peaking of World Oil Production: Impacts, Mitigation, and Risk Management (PDF), commission by the U.S. Department of Energy, Hirsch, Bezdek, Wendling, 2005) senón a outro máis recente, de 2007, e titulado Crude Oil: Uncertainty about Future Oil Supply Makes It Important to Develop a Strategy for Addressing [...]
• No Comments
Este colaboración foinos remitida por un colaborador, especializado en instalacións de edificación e publicámola polo interese que ten á hora de avaliarmos a utilidade ou atrancos que supoñen as normas de edificación vixentes desde o punto de vista enerxético e medioambiental:
A entrada en vigor do Código Técnico da Edificación (REAL DECRETO 314/2006, de 17 de [...]
• No Comments
O texto que reproducimos a continuación procede do libro Un futuro sin petróleo. Colapsos y transformaciones socioeconómicas do profesor de Economía Sustentable da UPV-EHU Roberto Bermejo publicado a finais do pasado ano (pp. 131 e 132). É un moi clarificador resumo do panorama que lles espera ás nosas sociedades como consecuencia do teito ou cénit [...]
• No Comments
Parece que a alarma lanzada polo Comisario europeo da Enerxía (e outros axentes políticos e económicos) vai callando nalgún goberno europeo gravemente preocupado pola recuperación da súa economía. E nada menos que o do Reino Unido, que segundo Rob
Hopkins, o fundador do movemento das Cidades en Transición Enerxética, aseguraba sen rubor algún que o teito [...]
• No Comments
Esta semana puiden ler un artigo de Rob Hopkins no seu blog Transition Culture no que fai un moi bo repaso aos lugares do mundo que se están a preparar para o impacto do cénit ou teito do petróleo. Estes pioneiros deberían ser un modelo que seguirmos con urxencia nos concellos galegos, pois segundo moitos [...]
• No Comments
Tamén durante a preparación do artigo sobre as Cidades en Emerxencia Enerxética para a revista Tempos Novos, pedín a opinión de Lidia Senra, secretaria de organización do SLG acerca do tema seguinte:
Ata que punto é dependente o noso modelo de alimentación do petróleo, comezando pola produción agrogandeira e rematando pola gran distribución comercial?
Os consumidores e [...]
• No Comments
Retransmitimos esta interesante convocatoria:
Xornadas Galegas de Economías Alternativas: troco e cesión, bancos de tempo, moedas alternativas, ferramentas financeiras éticas
Centro Social do Calvario, Vigo (rúa Numancia, 3)
27 e 28 de xuño de 2009
¿Estamos en crise? O sistema económico neoliberal, baseado no espellismo do crecemento sen freo, na especulación absurda e a depredación do medio afúndese, fagocitándose [...]
• 2 Comments
No proceso de documentación dun artigo acerca das sociedades que están a responder diante da ameaza do teito do petróleo, consultamos con Xoán Ramón Doldán García para coñecer a súa opinión ao respecto. A nosa pregunta era:
É factible falar de sostibilidade sen recoñecer o teito do petróleo e integralo en todas as políticas públicas, en [...]
• 2 Comments
Hoxe emitiron na 2 de TVE, en Documentos TV a reportaxe En busca de la energía, da que se pode ver online un avance.
Unha chea de defensores da nuclear fronte un par de detractores (para lexitimar unha suposta diversidade de informacións). Os argumentos a favor: a enerxía nuclear fai falta…
para loitar contra o cambio climático,
para [...]
